Kur 17-vjeçari Darin mëson se e dashura e tij është duke vdekur, ai formulon një plan për t'i dhuruar asaj të gjitha eksperiencat e jetës brenda një viti kohë që asaj i ka ngelur për të jetuar.
Pasi mëson se kushërira e saj Olivia duhet të anulojë hapjen e restorantit të saj italian në prag të Krishtlindjes, Natali vendos që të ndihmojë që dita e hapjes të bëhet realitet.
Jeta e një sipërmarrësi dhe familjes së tij amerikane fillon të marrë një kthesë të keqe, pasi ata zhvendosen në një rezidencë të vjetër angleze, me shpresën për të nisur një jetë të re.
Një gazetar vendos të marrë trenin nga Uashingtoni për në Los Anxhelos për Krishtlindje
që të marrë frymëzim për një histori në nder të babait të tij të ndjerë.
Ai njeh udhëtarët e tjerë dhe përfshihet nga një flakë e vjetër gjatë udhëtimit me tren.
Ebi planifikon t’i propozojë të dashurës, Harper, në darkën vjetore të Krishtlindjeve të familjes së saj. Pasi mëson se Harperi e ka mbajtur të fshehtë lidhjen e tyre nga familja e saj tradicionale, ajo fillon të ketë dyshime për marrëdhënien e tyre.
Zoja dhe Dep janë çifti i komedisë që përpiqen të menaxhojnë lidhjen e tyre në dhe jashtë skenës, mes prindërve që fusin hundë, një publiku të hutuar dhe miqve të çuditshëm.
E vendosur në Australinë veriore para Luftës së Dytë Botërore, një aristokrate angleze që trashëgon një fermë të zhurmshme, lidhet me një burrë vendasa në mënyrë që të mbrojë pronën e saj nga një komplot për t'ia marrë. Teksa ata të dy, transportojnë 2,000 krerë bagëti përmes një terreni të vështirë, ata përjetojnë edhe bombardimin e Darvinit nga forcat japoneze.
Ndihmësja e Kongresmenes Erica, heq dorë nga Krishtlindjet me familjen për të udhëtuar sipas urdhrit të shefes së saj. Në një bazë të Forcave Ajrore buzë plazhit, ajo njihet me Kapiten Andre, i cili e di se puna e saj do të jetë fundosja e bazës së tyre.
Elena dhe Xheiku njihen rastësisht mbrëmjen e Vitit të Ri, duke u zënë për të njëjtën taksi. Gjithsesi, në vend që të vazhdonin jetët e tyre pas ndarjes së taksisë, nisin një marrëdhënie pasionante.
Një eksplorim intrigues i joshjes, dashurisë së ndaluar dhe shpagimit. Një përrallë joshëse dhe pasionante e arratisjes së një njeriu nga ferri i tij personal, teksa përpiqet të fitojë të pamundurën: faljen dhe dashurinë.
Vajza nga Delhi, Xhini, jeton me mamanë e saj që merret me mblesëri-ra. Kjo e fundit mblesëron vajzën e saj me Sanin, i cili ka hequr dorë nga dashuria. Ai thjesht do që të martohet dhe të rehatohet. Por lidhja nuk është aq e lehtë. Ndërsa Xhini takohet me Sanin, dalin në pah shumë gjëra të pa imagjinueshme, në këtë përrallë dashurie, jete, dasmash dhe muzike.
I diagnostikuar me skizofreni në gjysmën e vitit shkollor, një djalosh i zgjuar përpiqet që të fshehë sëmundjen dhe botën e tij të hijeve nga të tjerët, ndërkohë që bie në dashuri me një vajzë të veçantë, e cila e frymëzon që sëmundja e tij të mos bëhet përkufizuese e rrjedhës së jetës.
Një student i kolegjit shkon në një parti në Shithouse dhe përfundon duke kaluar natën me një vajzë, e cila ka pasur një ditë të ndyrë dhe dëshiron që dikush të rrijë me të.
Në ditën e parë të vitit të fundit të gjimnazit, Henri Peixh takohet me studenten e transferuar, Grejs Taun, dhe duket sikur gjithçka është gati të ndryshojë. Kur Grejs dhe Henri përzgjidhen si kryeredaktorët e gazetës së shkollës, ai menjëherë tërhiqet nga vajza e re misterioze. Ndërsa mëson sekretin tronditës që i ka ndryshuar jetën asaj, ai e gjen veten duke u dashuruar me të, ose të paktën me personin që ai mendon se ajo është.
Pas lirimit të saj nga burgu, Tania vë re që motra e saj, ka rënë në dashuri. Sidoqoftë, ajo dyshon tek i dashuri i motrës dhe vendos që të hetojë për të.
Poli është një fotograf, i cili takohet me dashurinë e tij të parë, Anën, në një treg të mbipopulluar filipin. Pasionet e udhëtarëve rindizen dhe principet e tyre mbi marrëdhëniet, fenë dhe moralin, bien. Nata që kalojnë bashkë do t'i ndryshojë të gjitha.
Jeta e Lolës në Berlin është po aq e ndërlikuarar sa gjithmonë. Pasi historia me Svenin, kushëririn e saj të dytë, mbaroi, ajo u lidh me shokun e saj të ngushtë, Hartin dhe tani janë gati të martohen. Por Sveni ka një tjetër plan.
Pasi u zbulua e vërteta për fillimin e lidhjes mes tyre, Hardin duhet të përpiqet që të fitoj faljen e Tesa, ndërsa ajo vazhdon jetën e saj në një karrierë të re dhe emocionuese. Sfida të reja nga e shkuara dhe e ardhmja i dalin përpara marrëdhënies së tyre.
Sloana dhe Xheksoni e urrejnë të jenë beqarë gjatë festave, kur përballen me gjykime të vazhdueshme nga familjet e tyre. Kështu që, kur këta dy të panjohur njihen, ata zotohen të jenë partnerë për njëri-tjetrin për çdo rast festiv të vitit që kanë përpara.
Një e re e sapomartuar arrin në pronën e familjes së burrit të saj në një bregdet të Anglisë dhe e gjen veten duke luftuar me hijen e gruas së tij të parë, Rebekës, trashëgimia e së cilës vazhdon të jetojë në shtëpi edhe shumë kohë pas vdekjes së saj.
Si një fëmijë rebel dhe pa nënë, Ophelia merret në Elsinore Castle nga Mbretëresha Gertrude si një nga shoqërueset e saj më të besuara. Shumë shpejt, Ophelia tërheq vëmendjen e Princit të ri Hamlet. Një romancë pasionante ndizet mes të dyve në fshehtësi ndërsa mbretëria është në prag të luftës, mes intrigave dhe tradhtisë së brendshme politike. Kur babai i Hamletit vritet, zgjuarsia e princit punon vetëm për një hakmarrje të pangopur, Ophelia lundron ashpër në rregullat e pushtetit në Danimarkë, ndërkohë që përpiqet të zgjedhë midis dashurisë së vërtetë dhe jetës së saj.
I ngecur në harresë, pasi vdes në një aksident automobilistik, një i ri kapërcen jetën dhe vdekjen duke gjetur një mënyrë për tu rilidhur me vajzën që dashuron.
