Hakmarrja, është një film me një histori hakmarrjeje klasike Amerikane. Kohët e fundit ky film, ka fituar çmimin Ndërkombëtar të Kritikës Fipresci në Festivalin e Filmit në Kanë, ku u transmetua për dy javë. Filmi tregon historinë e një të huaji jeta e qetë e të cilit përmbyset kur ai kthehet në shtëpinë ku është rritur, për t'u hakmarrë. Duke qenë një vrasës amator, ai përfundon në një luftë brutale për të mbrojtur familjen e tij të largët.
Ebru, një psikiatre vendos të bëj një projekt për pacientët me çrregullim personaliteti me ndihmën e një hoxhe.Ajo zgjedh shoqen e saj të fëmijërisë e cila duket se është pushtuar nga xhindi.Duke bërë projektin ata zbulojnë edhe një të fshehtë të madhe.
Një familje fillon të ketë aktivitete paranormale në shtëpi, dhe vendosin kamera. Atëherë kuptojnë që një magji e zezë i është vënë pas. Duke parë filmimet ata fillojnë të zbulojnë misterin qe ka një ngjarje të tmerrshme prapa.
Dhjetë hapa të thjeshta që ju tregojnë si të bëni para nga droga, përfshirë një seri me intervista me trafikantë droge, punëtorë burgjesh dhe aktivistë kundër ligjeve të ashpra kundër drogës.
Në një të ardhme jo shumë të largët, gjeni i plakjes është stakuar. Për të shmangur mbipopullimin, koha është bërë monedha dhe mënyra që njerëzit paguajnë për lukset dhe nevojat e tyre. Ndalon së plakuri në moshën 25 vjeç, por ka një kleçkë: je programuar gjenetikisht të jetosh vetëm një vit më shumë pas kësaj, nëse nuk arrin të blesh më shumë kohë. Të pasurit “fitojnë” dekada, duke u bërë të pavdekshëm, ndërsa të tjerët lypin, marrin hua ose vjedhin orë të mjaftueshme për të kaluar ditën. Kur një njeri nga zonat e varfëra akuzohet padrejtësisht për vrasje, ai është i detyruar të arratiset së bashku me një penge të bukur. Duke jetuar minutë pas minute, dashuria e dyshes shndërrohet në një mjet të fuqishëm në luftën e tyre kundër sistemit.
Në një Amerikë post-apokaliptike, ish Marinsi Gabriel Dramër kërkon në mënyrë të dëshpëruar vendndodhjen e djalit të tij, i shoqëruar nga shoku i tij më i mirë dhe një i mbijetuar.
Në këtë triler rrëqethës, Hilary Swank luan si një mjeke e re dhe e bukur që nis një jetë të re në Bruklin, pasi ndahet nga bashkëshorti i saj. Apartamenti i saj i ri duket tepër i mirë për të qenë i vërtetë, derisa ndodhin disa ngjarje tepër të çuditshme që e bëjnë të besojë se ajo nuk është aspak vetëm.
Luani Aleks, zebra Marti, gjirafa Melman dhe hipopotami Gloria luftojnë ende që të kthehen në shtëpinë e tyre në kopshtin zoologjik në Nju Jork. Natyrisht që edhe mbreti Xhulian, Mori dhe pinguinët do të jenë pjesë e kësaj aventure. Udhëtimi i tyre këtë herë do t'i çojë në Evropë ku do bëjnë zbulimin e radhës: një cirk të rënuar, të cilin do ta ngrenë nga e para për ta përdorur që të përmbushin misionin e tyre.
Një gjimnazist i cili është i pezulluar i mbushet mendja që të kujdeset për fqinjët e tij, edhe pse s'është fare i përgatitur për natën e vështirë që e pret...
Magjistarët super-yje Bërt Uonderstoun (Steve Carell) dhe Anton Marvelton (Steve Buscemi) e kanë zotëruar Rripin e Las Vegasit për vite të tëra, duke fituar miliona me iluzione po aq të mëdha sa edhe egoja e Bërtit. Por së fundmi, mashtrimi më i madh i dyshes është shoqëria e tyre në publik, ndërsa në fshehtësi kanë arritur ta urrejnë njëri-tjetrin. Duke u përballur me një konkurrencë të egër nga një magjistar rruge të quajtur Stiv Grej (Jim Carrey), adhurimi nga publiku i të cilit rritet me çdo marifet të jashtëzakonshëm, akoma dhe shfaqja e tyre fillon të duket bajate. Por ka ende një mundësi që Bërti dhe Antoni të mund të shpëtojnë shfaqjen e tyre - si brenda skenës dhe jashtë saj - vetëm nëse Bërti mund të rikujtojë se çfarë e bëri në fillim të binte në dashuri me magjinë.
"Në kërkim të një miku në fund të botës" : Teksa një asteroid i afrohet Tokës, një burrë gjendet vetëm pasi gruaja e lë. Ai niset në një udhëtim me fiksimin e gjimnazit por fqinji i tij ka ndërmend t'ia prishë planin.
Një avokat i ri mbrojtjeje has vështirësi me një çështje vrasjeje e cila nuk është e thjeshtë sa duket kur mafia përfshihet. Ai kupton shumë shpejt se për të mbajtur veten dhe klientin e tij gjallë, duhet të veprojë kundër ligjit.
Ralfi Shkatërrues dëshiron të bëhet po aq i dashur sa karakteri i mirë i lojës së tij, Feliksi Rregullues. Problemi është se askush nuk e do karakterin e keq. Por ama të gjithë adhurojnë heronjtë... Kështu që, kur një lojë moderne mbërrin me karakter Rreshterin e fortë Kaloun, Ralfi e shikon si biletën e tij drejt heroizmit dhe lumturisë.
200 vjet pas krijimit të tij shokues, krijesa e Dr. Frankenshtajnit, Adami, endet akoma nëpër botë. Por kur e gjen veten në mes të një lufte mbi fatin e njerëzimit, Adami zbulon se mbart çelësin që do të mund ta shkatërronte atë.
Semi është një ndërmjetës, i cili merret me shkëmbime të përbashkëta. Papritur ai zbulon se i vdes babai i cili jetonte në Los Anxhelos.
Ai duhet t'i anulojë punët e tij që të shkojë tek funerali i babait dhe pasi arrin atje ai do të zbulojë shumë gjëra që nuk i dinte kohë më parë,
madje do të njihet me motrën që për të nuk kishte ekzistuar kurrë. Një dramë me plot emocione që nuk duhet humbur.
Filmi përbën një histroi te nje gruaje e cila jeton vet. Ajo ka një djalë i cili shkon te jetoj me babain e tij në një vend tjetër, ajo punon në një hotel, luksoz që ka kaluar po thuajse 10 vite që kur ajo nuk ka bër dashuri, dhe pa pritmas vi një burr i verbër....
