Një dokumentar që flet për Musab Jousefin, i biri i një nga themeluesve të grupit terrorist Hamas, i cili punoi për afërsisht dhjetë vite si spiun i Inteligjencës Izraelite. Një biografi që tregon historinë, vuajtjet dhe vështirësitë e tij duke u përballur me moralin...
Në "Agimin e Kuq", një qytet amerikan zgjohet dhe shikon disa ushtarë të huaj parashutistë të zbresin nga qielli - në mënyrë tronditëse, Sh.B.A-ja është pushtuar dhe qyteza e tyre e lindjes është objektivi fillestar. Shumë shpejt dhe pa paralajmërim, qytetarët e gjejnë veten të burgosur dhe qytezën e tyre nën pushtimin armik. Të vendosur për të luftuar, një grup patriotësh të rinj kërkojnë strehë në pyjet përreth, duke u stërvitur dhe duke u riorganizuar në skuadra guerilase. Duke u frymëzuar nga nuska e gjimnazit të tyre, ata e quajnë veten Vulverinët, që bashkohen për të mbrojtur njëri-tjetrin, për të çliruar qytezën e tyre nga pushtuesit e saj dhe për të marrë mbrapa lirinë e tyre.
Një histori e mbinatyrshme me sfond Jugun, "Krijesat e Bukura" tregon përrallën e dy dashnorëve të destinuar: Itanit një djaloshi që mezi pret të largohet nga qyteza e tij e vogël dhe Lenës, një vajze të re misterioze. Së bashku, ata zbulojnë sekrete të errëta për familjet, historinë dhe qytezën e tyre.
Ivan Loke, një familjar i përkushtuar dhe një menaxher i suksesshëm ndërtimi, merr një telefonatë në prag të sfidës më të madhe në karrierën e tij, e cila vë në lëvizje një seri ngjarjesh që kërcënojnë ekzistencën e tij të kultivuar me kujdes.
Robert Miller është një biznesmen i suksesshëm financiar me një grua të dashur dhe një vajzë të zgjuar gati për të marrë përsipër biznesin e familjes. Sekretet profesionale, që përfshijnë veprimtari të paligjshme dhe mashtruese, fillojnë të dalin jashtë në të njëjtën kohë që sekretet personale të Robertit marrin një kthesë për keq dhe kërcënojnë të prishin çdo gjë që ai ka arritur.
Pas vdekjes së prindërve të saj, Irisa lufton për të nxjerr bukën e gojës ndërsa kujdeset për vëllain e saj të sëmurë. Sheperd Lambrik, një aristokrat në dukje filantrop, shpreh një interes për t’i ndihmuar. Kur ai e fton atë në një mbrëmje ekskluzive, ajo pranon. Gjithashtu në mbrëmje marrin pjesë edhe shtatë individë të tjerë të dëshpëruar. Ata shumë shpejt e gjejnë veten të ngecur në vilën e Lambrikut dhe detyrohen të luajnë një lojë sadiste të quajtur “A Do Të Preferoje”, ku fituesi do të përfitojë shuma të paimagjinueshme parash. Ndërsa loja përparon, dilemat me të cilat përballet Irisa dhe të tjerët bëhen jashtëzakonisht vdekjeprurëse.
Një ish polic i Antidrogës Amerikane transferohet në një qytet të qetë, që të nisë një fillim të ri bashkë me familjen e tij. Dhe të jetojë një jetë të re larg aksionit dhe zbatimit të ligjit. Por atje ai do të përballet me një trafikant të madh droge, dhe duke mos patur rrugë tjetër, detyrohet të vihet përsëri në zbatimin e ligjit...
Pasi hiqet si burrë për 14 vjet, një grua (Alba Rohrwacher) udhëton nga Shqipëria në Itali për t'u rilidhur me motrën e saj të larguar (Flonja Kodheli) dhe për të rimarrë identitetin e saj seksual.
Një çift i ri pasi humbasin kërkojnë strehë në një kompleks që duket i shkretuar. Një personazh i çuditshëm me zor i lejon që ata të futen brenda, me urdhër të rreptë që ata të largohen në mëngjes. Madje duke iu cituar "mos shkoni ku nuk jeni të ftuar".
Një grua nga Nju Jorku, me një gjendje emocionale të paqëndrueshme dhe e paaftë për të pranuar realitetin, zhvendoset në San Françisko me motrën e saj. Ajo ruan stilin e saj të mrekullueshëm, por nuk ka para, paqe apo dashuri në jetën e saj…
Në një provincë osmane në Hixhaz gjatë Luftës së parë Botërore, një djalë i vogël beduin përjeton një rritje të parakohshme teksa ndërmerr një udhëtim të rrezikshëm nëpër shkretëtirë me pelegrinët për të çuar një oficer britanik në destinacionin e tij sekret.
Ky është një film i frikshëm, goditës, emocionues, i zymtë, dhe me përfundim befasues. Filmi tregon për një aeroplan i cili kaplohet nga një virus misterioz. Kur avioni ulet, vendoset në karantinë dhe të mbijetuarit duhet të bashkohen për t'i mbijetuar karantinës.
Një vajze e re duke e kthyer veten në një vrasëse profesioniste, ajo mbetet e përqendruar te synimi i saj: të gjurmojë dhe të hakmerret ndaj gangsterit përgjegjës për vdekjen e prindërve të saj.
Igori është hidraulik, Pina shërben kafe. Është dimër dhe të dy e dëshirojnë thellë njëri-tjetrin, por nuk janë të lirë. Në përpjekje për të kuptuar se si ta realizojnë dashurinë e tyre, ajo vendos të qepë një kostum luani për djalin e saj të vogël ndërsa ai vendos të blejë një makinë fotokopjuese për të shoqen. Më në fund do të vijë pranvera dhe bashkë me të, edhe përfundimi i dashurisë, duke e mbushur jetën e tyre me shpresë dhe seks.
Bazuar në një histori të vërtetë të një ekipi lajmesh që ndjek një burrë teksa ai udhëton në botën e Eden Parish për të gjetur motrën e tij të zhdukur, ku bëhet e qartë se kjo parajsë mund të mos jetë ashtu siç duket.
Një grup miqsh fillojnë të përjetojnë gjëra të çuditshme në qytetin e tyre.
Ata e kuptojnë se alienët kanë pushtuar qytetin dhe duhet të gjejnë një mënyrë për t'i mbijetuar sulmit të tyre.
Kolonele Katerinë Pauëll, një oficere ushtarake në drejtimin e operacioni për të kaput terroristë në Kenia, shikon misionin e saj të përshkallëzohet, kur një vajzë futet në zonën e vrasjes, duke shkaktuar një diskutim ndërkombëtar mbi ndërlikimet e një lufte moderne.
