Ruxhero është një djalosh i qetë, i cili impulsivisht vjedh një bankë për t'i provuar ish-gruas së tij se është i guximshëm.
Një hetim policor i përshkon të gjithë, përveç heroit tonë të thjeshtw, i cili, injorohet plotësisht.
Është shekulli 18 në Angli. Mbretëria drejtohet nga një mbretëreshë e brishtë. Intrigat dhe sekretet e tre femrave do të mbizotërojnë pallatin mbretëror duke ndikuar kështu në politikat e vendit në kohë lufte dhe trazirash.
Me dëshirën për të shkruar kryeveprën e tij, një shkrimtar në prag vdekjeje, bën një udhëtim në Londër, ku shpreson të gjej frymëzimin. Ai zbulon që është e vështirë të jesh autori i shkëputur nga ngjarjet, kur muza jote është një krijesë tërheqëse, që bën gjithçka për të kontrolluar historinë e saj dhe jeta e personazheve të tu po shkon drejt shkatërrimit.
Një punonjëse supermarketi e ndryshon jetën dhe historinë e saj për t'i treguar Medison Avenju-së se ç'mund të bëjë një person i padiplomuar, e cila çdo gjë e ka mësuar me punë.
Mbretëresha e Francës Mary Stuart 18 vjeçe, sfidon presionin për t'u rimartuar. Ajo kthehet në Skoci, në vendlindjen e saj për të kërkuar fronin e saj të ligjshëm. Megjithatë, Skocia dhe Anglia janë në sundimin e Elizabetës I. Rivale në pushtet dhe në dashuri, regjente femra në një botë mashkullore, të dyja duhet të vendosin se si të luajnë ndeshjen e martesës kundrejt pavarësisë.
Duke rrezikuar sigurinë e grupit të saj, një vajzë e re udhëton drejt një Parku Kombëtar ku motra e saj është zënë në grackë në një botë multi-dimensionale përbindëshash.
Pas vdekjes së babait, Aaroni kthehet në shtëpi për të ndihmuar nënën e tij të lënduar dhe për t'iu kthyer së shkuarës së vet. Duke kërkuar në gjërat e babait ai ndeshet me një objekt misterioz i cili fsheh shumë më tepër nga ç'duket.
Në periferi të Tokios, jeton një "familje" e bashkuar nga besnikëria e fort dhe prirja për të vjedhur. Kur djali i tyre më i vogël arrestohet, dalin në pah sekretet që e mbanin të fshehtë ekzistencën e saj.
Alpinisti profesional i shkëmbinjve Aleks Honold vendos të bëjë ngjitjen e parë të lirë (pa pajisje, litarë dhe pa asnjë masë mbrojtjeje) prej 900 metrash në shkëmbin e famshëm vertikal, El Kapitan. Ç’mund ta shtyjë njeriun të ndërmarrë një rrezik të tillë, të çmendur? Dokumentari iu jep përgjigje shumë pyetjeve.
Pas një tragjedie që ndodh në një ekip volejbolli vajzash, skuadra duhet të përpiqet të bashkohet përsëri dhe së bashku me trajneren e tyre të luftojnë për kampionatin shtetëror të shkollave.
Një italiano-amerikan i klasës punëtore, bëhet shoferi i një pianisti klasik afrikano-amerikan në një turne koncertesh, gjatë viteve 1960 në SHBA-në jugore.
Kur Andrea, një ish shkrimtare e njohur, fillon të shoqërohet me Nikun, një mjek i kthyer në shkrimtar, marrëdhënia e tyre merr një formë ndryshe. Ndërkohë Tara, motra e Andreas që bashkëjeton me një ish yll rroku, fiksohet pas predikuesit hebre.
Gjatë shpërthimit të një murtaje vdekjeprurëse, një gruaje mistike i duhet të shpëtojë komunitetin e saj të vogël çifut nga pushtuesit e huaj, por qenia që ajo zgjon për ti mbrojtur është një e keqe akoma më e madhe.
Një dokumentar rreth ekipit më të madh të futbollit.
Për katër vite shpërthyese, Barça e Pep Guardiolës prodhoi futbollin më të mirë në histori, duke fituar tifozë nga e gjithë bota.
Në një përpjekje për të penguar planet e Grindelwald për të ngritur magjistarët e gjakut të pastër për të sunduar mbi të gjitha qeniet jo-magjike, Albus Dumbledore regjistron ish-nxënësin e tij Newt Scamander, i cili pajtohet të ndihmojë edhe pse ai nuk është në dijeni të rreziqeve që shtrihen përpara. Dashuria dhe besnikëria vihen në provë, edhe mese miqve dhe familjarëve, në një botë magjepsëse të përçarë...
Policia e Hong Kongut është vënë në kërkim të një bande falsifikimesh, e drejtuar nga një mëndje djallëzore me nofkën " Piktori". Me qëllimin për të zbuluar identitetin e tij të vërtetë, policia rekruton ish anëtarin e bandës Li Man.
Jinn-Xhindi Summer një vajzë 17 vjeçare e hedhur, të cilës i përmbyset gjithçka kur papritur mamaja e saj një parashikuese e suksesshme moti kthehet ne një besimtare myslimane duke ndikuar kështu edhe ne identitetin e Summer.
Starr bëhet dëshmitare e vrasjes së shokut të saj Kalil nga një oficer policie.
Me gjithë presionet nga komuniteti ku jeton, ajo duhet të bëhet zëri i Kalilit dhe të kërkojë drejtësi.
