Gjatë pushtimit amerikan në Irak, disa emigrantë të jashëligjshëm janë duke pritur të kthehen në Indi. Ndërsa një familje e tillë përgatitet të festojë 6-të vjetorin e të voglit Çintu, problemet e tyre nisin pas ardhjes së dy ushtarëve amerikanë në shtëpinë e tyre.
Dy hajdutë, një magjistar, një haker kompjuterash, një aspirues për aktor dhe një ekspert eksplozivësh planifikojnë një grabitje për të përmbushur ëndrrën e Viktor Braganzës. A do të kenë sukses apo fati ka planifikuar diçka ndryshe për ata?
Yogi dhe Jaya kanë personalitete krejtësisht të kundërta. Ata takohen nëpërmjet një aplikacioni takimesh. Një takim i thjeshtë kthehet në shumë më shumë kur ata ndërmarrin një udhëtim për në Rishikesh.
Kabir Khan është trajneri i Ekipit Kombëtar të Hokejit Indian të femrave dhe ëndrra e tij është të bëjë që ekipi i vajzave të fitojë kupën e botës kundër të gjitha mosmarrëveshjeve.
Pasi një takim policor e ndan Advetin nga e dashura e tij, disa vite më vonë ai merr përsipër një mision vrasës, ndërkohë që një polic po aq hakmarrës e ndjek hap pas hapi.
Një djalosh rrëmujaxhi dhe një tjetër i urtë dhe i sapoardhur, bëhen bashkë me dëshirën për të futur në kurth gangsterin e lagjes, i cili ua nxin jetën të gjitha familjeve. Kjo është aventura për drejtësi e dy shokëve të vegjël.
Historia e një të riu guximtar, i cili ngrihet kundër padrejtësisë, dhunës dhe abuzimit ndaj grave, në një vend, ku ngacmimet seksuale dhe përdhunimet janë pjesë e përditshmërisë.
Malaal është historia e Shivës dhe e Asthas, dy njerëzve të ndryshëm dhe me prejardhje të ndryshme të cilët përjetojnë pafajësinë e dashurisë. Triumfon dashuria apo rrugët e tyre ndahen? Ndiqni udhëtimin e tyre për ta zbuluar.
Një histori dashurie e ndodhur në Allahabad mes Nejtit dhe Nelanit të cilët njihen rastësisht.
Ata bëjnë zgjedhje të guximshme dhe të ecin mes vështirësive të jetës duke u mbështetur te dashuria...
Një redaktore në një agjenci reklamimi njihet me një kinematograf i cili në pamje të parë duket i dashuruar me të, por në të vërtetë ka qëllime të fshehura.
Arjun dhe Mira nisen në një udhëtim nga Delhi për të festuar ditëlindjen,
por kur ata ndeshën rrugës me disa njerëz që vrasin për nderin e tyre,
jeta e tyre ndryshon plotësisht.
A do munden ata të mbijetojnë në një vend të humbur ku mbi të gjitha,
gratë vetëm dhunohen.
Një ushtar i humbur në luftë dhe i etiketuar si i vdekur, kthehet pas disa vitesh për gruan dhe vajzën e tij, vetëm për të kuptuar se ato e kanë hedhur pas krahëve të kaluarën. Ndërsa ai përpiqet të rikthehet në jetën e tyre, parashtrohen pyetje nëse ai ka vdekur apo është gjallë.
Një histori për dashurinë e një njeriu për kombin e tij dhe dashurinë e dikujt tjeter për pushtet. Një aventurë epike e mbushur me plot emocione dhe luftë në dete.
Kur Sahili takoi Mitteen në shkollën e menaxhimit të hoteleve, ishte për të dy dashuri me shikim të parë. Dashuria e tyre ishte gjithçka: perfekte dhe pa asnjë difekt. Por një ngjarje e papritur në shkollë e kthen ëndrrën e tyre të bërë realitet në makth dhe i bën të kuptojnë sa e rëndësishme është ta njohësh mirë partnerin para se të fillosh një lidhje romantike.
I vendosur për t'u bërë pjesë e shoubizit, një aktor i ri ambicioz mendon t'i kthejë shpinën kafenesë së dashur iraniane, e cila është drejtuar nga familja e tij me breza të tërë.
Historia e një veterineri, i cili gjatë kthimit në Shenjtëroren e elefantëve të babait të tij i duhet të përballet me një grup gjuetarësh ndërkombëtar të elefantëve.
Karan Khanna, një politikan me origjinë indiane në Mbretërinë e Bashkuar, akuzohet se vrau gruan e tij.
Ai i thotë avokatit të tij se një fantazmë kreu vrasjen dhe se duhet të gjykohet.
Panga frymëzohet nga jeta reale e nje sportisteje "Kabadie", e cila ke qenë ylli i skuadrës kombëtare Indiane në këtë sport. Rrugëtimi kalon përmes triumfit, luftës dhe tejkalimit të stereotipeve. Ky film dëshmon se sa e rëndësishme është dashuria e familjes për të qenë e suksesshme.
Dy çifte me të njëjtin mbiemër vendosin t’i nënshtrohen fekondimit in vitro dhe presin fëmijët e tyre të ardhshëm. Problemet nisin pasi zbulojnë se spermat e secilit çift janë ngatërruar me njëra-tjetrën.
Kur trupi i një biznesmeneje të fuqishme zhduket papritur, emërohet në detyrë një inspektor për të zbuluar fajtorin. Por, kur ai merr në pyetje burrin e saj, shfaqen dyshime të reja në lidhje me vdekjen dhe të kaluarën e saj.
