John Constantine shikon demonët që vijnë në tokë dhe është i interesuar të zgjidhë problemin duke iu përgjigjur Ferrit! Constantine, lufton një armik të ri të jashtëzakonshëm në këtë thriler të mbinatyrshëm, i cili i ka hedhur rrënjët thellë në një qytet ku kufijt e botës së shpirtrave janë shkatërruar... dhe Ferri po përhapet. Ujë i Bekuar. Një Dragua që hedh flakë. Një armë shpëtimtare e krijuar nga një kryq. Me këto armë dhe i përkrahur nga një femër police, John Constantine është një luftëtar shpirtrash në një betejë midis Parajsës dhe Ferrit.
Kur Bela zgjohet pas transformimit të saj, e gjen veten si një nënë dhe si një vampir. Tashmë ajo nuk është më e brishtë dhe delikate siç ishte mësuar që ta shikonte Eduarti, por është shndërruar në dominuesen e lojës. Dhe ky shndërrim do t'i duhet asaj dhe Eduartit, për të mbrojtur vajzën e tyre nga Vollturët që mendojnë se Renesmeja është një kërcënim për llojin e tyre si vampirë. Pa dyshim që në ndihmë do jetë e gjithë familja e Eduartit dhe Njerëzit Ujqër që udhëhiqen nga shoku i ngushtë i Belës, Xhejkobi.
Në kapitullin e shumëpritur të radhës, lumturia e sapo gjetur martesore e Bela Suan dhe vampirit Eduard Kallen ndërpritet kur një sërë tradhtish dhe fatkeqësish kërcënojnë të shkatërrojnë botën e tyre. Pas dasmës së tyre, Bella dhe Eduardi udhëtojnë në Rio de Zhaneiro për muajin e tyre të mjaltit, ku më në fund u dorëzohen pasioneve të tyre. Bella së shpejti zbulon që është shtatzënë dhe gjatë lindjes për pak vdekjeprurëse, Eduardi më në fund përmbush dëshirën e saj për t’u bërë e pavdekshme. Por mbërritja e vajzës së tyre të mahnitshme, Renesme, vë në lëvizje një zinxhir të rrezikshëm ngjarjesh që do t’i vënë Kallenat dhe aleatët e tyre kundër Volturit, këshillit të frikshëm të udhëheqësve së vampirëve, duke ngritur skenën për një betejë epike.
Bazuar në novelën Kineze të shekullit të 16-të të Feng Zan Zi (Pushteti I Perëndive), historia tregon se si mbreti Zhou i Shangut bëhet tiran falë dredhive të Dajit, një dhelpër e cila është maskuar si një nga gratë e tij.
Në filmin Eclipse, Bela e gjen përsëri veten të rrethuar nga rreziku, ndërsa Siatëlli është pushtuar nga një sërë vrasjes misterioze dhe një vampire djallëzore vazhdon kërkimin e saj për hakmarrje. Në mes të gjithë këtyre, Bela është e detyruar të zgjedhë midis Eduardit dhe Xhejkobit - duke ditur që vendimi i saj ka mundësi të nxisë luftën e pafund midis vampirëve dhe njerëzve-ujq. Me diplomimin e saj duke u afruar shpejt, Bela përballet me vendimin më të rëndësishëm të jetës së saj.
Nju Jorku është përfshirë nga erërat e Artikut, nga netë të errëta dhe drita të bardha. Një ditë dimri, Piter Lejk (Colin Farrell), jetim dhe mekanik, tenton të vjedhë një shtëpi dhe do jetë e fundit. Edhe pse ai mendon se shtëpia është e zbrazët, e bija e shtëpisë është në shtëpi. Kështu fillon dashuria midis Piterit, dhe Beverli Penit (Jessica Brown Findlay), një vajzë e re, që është duke vdekur.
Ndërkohë që Bela Suan gërmon thellë e më thellë brenda mistereve të botës së mbinatyrshme që është e etur të bëhet pjesë, e gjen veten në një rrezik të jashtëzakonshëm. Bela ndihet e shkretuar nga ikja e papritur e të dashurit të saj vampir, Eduard Kallen por shpirti i saj ringjallet nga miqësia e saj me bukuroshin Xhejkob Bllek. Papritmas, ajo e gjen veten të tërhequr në botën e njerëzve-ujqër, armiqtë e lashtë të vampirëve dhe besnikërinë e saj të testohet.
Bella Suan ka qenë gjithmonë paksa ndryshe nga të tjerët. S’ka qenë kurrë nga ata që ndjekin turmën. Kur mamaja e saj rimartohet dhe Bella zgjedh të jetojë me babain e saj në qytezën e vogël të Forksit ku bie vazhdimisht shi, nuk pret që të ndryshojë ndonjë gjë e madhe. Por ja që gjërat ndryshojnë kur ajo njihet me bukuroshin misterioz dhe magjepsës Eduard Kallen. Eduardi me të vërtetë nuk është si djemtë e tjerë. Ai është vampir, por sido që të jetë ajo nuk ka frikë prej tij. Drithërimat fillojnë kur një vampir i ri e gjen sfiduese ta kthejë Bellën në pre për gjakun e saj të parezistueshëm.
Katër shokë, pasi kanë fituar fuqitë e tyre magjike, të katër elementëve, u duhet të përballen me Kaosin, një vajzë e cila është kthyer për të prishur harmoninë e Tokës. Ballafaqimi me të i vendos përpara një sprove.
Është Fundi që ndjek gjashtë shokë të ngecur në një shtëpi pas një sërë ngjarjesh të çuditshme dhe katastrofike që shkatërrojnë Los Anxhelosin. Ndërsa bota po merr fund jashtë, furnizimet po pakësohen dhe efekti i mbylljes brenda po kërcënon të shkatërrojë miqësinë e tyre brenda. Më në fund, ata detyrohen të largohen nga shtëpia, duke u përballur me fatin e tyre dhe domethënien e vërtetë të miqësisë dhe shpengimit.
Ka kaluar një vit që kur Gatsi dhe Grifith ndoqën rrugë të ndara. Banda e Hauksave po thur një mision për të shpëtuar Grifith i cili është i izoluar në burg.
Vëllezërit Hansel dhe Gretel lihen vetëm në pyll nga babai i tyre dhe kapen nga një shtrigë djallëzore në një shtëpi prej karameleje. Megjithatë, ata e vrasin shtrigën dhe arratisen që aty. Vite më vonë, jetimët janë bërë gjuetarë të famshëm shtrigash. Kur njëmbëdhjetë fëmijë humbasin në një fshat të vogël, Kryebashkiaku thërret Hanselin dhe Gretelin për t'i shpëtuar dhe ata shpëtojnë Minën flokëkuqe nga sherifi që kërkon ta djegë duke e akuzuar për magji.
Në një teatër të pushtuar, mbushur me shpirtra hakmarrës të një trupe performuesish të vrarë tragjikisht para 13 vjetësh nga zjarri, fantazmat presin që ai teatër luksoz të rihapet me një shfaqje të re për të sjellë viktima të reja.
Kur nëna e dy vajzave sëmuret, familja zhvendoset në një shtëpi të re për të qenë më afër sajë. Aty fillojn aventurat e dy vajzave me shpirtrat e pyjeve të mrrekullueshëm.
Kur ndërtesa e Shideh goditet nga një raketë gjatë Luftës Iran-Irak, një fqinj hedh hipotezën se raketa ishte e mallkuar dhe mund të mbante shpirtra keqdashës të Lindjes së Mesme. Ajo bindet se një forcë e mbinatyrshme brenda ndërtesës po përpiqet të zotërojë vajzën e saj Dorsa. Dhe ajo nuk ka zgjidhje tjetër veçse të përballet me këto forca, nëse do të shpëtojë veten dhe vajzën e saj.
Një vajzë që quhet Sofi, ndeshet me Gjigantin e madh e miqësor që, krahas pamjes së tij frikësuese, del që ka një shpirt të mirë, i cili konsiderohet nga gjigantët e tjerë i dëbuar, pasi ndryshe nga ata, ai nuk pranon të hajë fëmijët.
Një biznesmen i famshëm është aq i dhënë pas punës sa e ka lënë pasdore familjen e tij. Kur vajza e tij e vogël i kërkon një mace si dhuratë për ditëlindje, ai ia plotëson dëshirën por në atë moment pëson një aksident dhe e gjen veten të ngecur brenda trupit të maçokut që bleu.
Historia e një djali që jeton në geto dhe futet gjithmonë në telashe. Një ditë futet në telashe të mëdha dhe gjen një magnetofon, magjik që i ndryshon jetën.
Një ish-ushtar i Forcave Speciale shkon prapa në kohët mesjetare për të përmbushur një profeci të lashtë dhe përfundon deri në gjetjen e shpjegimit të tij ne përvojat e betejës se veta.
Një nxitëse tifozësh e pushtuar së fundmi kthehet në një femër demon të specializuar për të vrarë shokët e saj të klasës. A mund t'i japë fund horrorit shoqja e saj e ngushtë?
