Kristin numëron mbrapsht ditët për diplomimin e saj, kur më në fund do të arrijë të lërë pas qytetin e saj të vogël dhe motrën e saj manipuluese, për në Nju Jorkun e ëndrrave të saj. Gjithçka është perfekte dhe gazeta lokale ka premtuar të botojë rubrikat e Kristin për qytetin që nuk fle kurrë. Por Kristin i mungon fluturimi i saj dhe, për t'i shpëtuar poshtërimit total, përfundon duke u fshehur në shtëpinë e vajzës së re të pazakontë Andrea, shumë larg në fshat. Në këtë shtëpi të askundit, Kristin e sjell Andrean në zemrën pulsuese të Nju Jorkut në një aventurë të madhe virtuale, të cilën ajo e tregon për të gjithë në shtëpi për ta ndjekur. Por më pas realiteti troket.
Atletja Diana Niad nis në moshën 60-vjeçare të kërkojë një ëndërr pothuajse të pamundur të jetës: të notojë nga Kuba në Florida përtej më shumë se 100 milje oqean të hapur.
Pas 12 vitesh burg, Ualter kthehet në shtëpi. Pak njerëz e dinë se ai është një dhunues seksual dhe pedofil. Ai vizitohet rregullisht nga oficeri i tij i lirimit me kusht, fillon punë në një fabrikë druri dhe fillon të takojë një kolege. Ndërsa e kaluara del në shesh, ai nis një miqësi me rrezikshmëri të lartë me një vajzë të vogël dhe kupton se një burrë që endet pranë një oborri shkolle është një ngacmues fëmijësh në kërkim të viktimës së radhës.
Karlosi, një kopshtar meksikan në Los Anxhelos, prind i vetëm, lufton për ta mbajtur të birin larg bandave dhe agjentëve të emigracionit, ndërsa përpiqet t'i japë atij mundësitë që vetë nuk i pati kurrë.
Luftëtarja kelte me emër sundon popullin Ajesni së bashku me burrin e saj, Prasutagusin. Mbreti vdes në duart e ushtarëve romakë, duke e lënë mbretërinë e Budikës pa një trashëgimtar mashkull, dhe romakët i marrin tokën dhe pronën.
Një ish-mundës kampion i NCAA, i liruar me kusht pas dhjetë vitesh burg, pranon të bëj një seri dyluftimesh në ring për të shpëtuar jetën e një shoku dhe i kërkohet të bëjë të pamundurën...të humbasë.
Alisha drejton një studio joge dhe kërkon investitorë për të mbështetur aplikacionin e saj. Për arsye që ajo nuk mund t'i kuptojë, kur ishte fëmijë, babai e ka shkëputur të ëmën dhe atë vetë nga lumturia e jetës në një familje të pasur, te një jetë izolimi dhe nevoje, që çoi në njëfarë mënyre në vetëvrasjen e nënës së saj. Ky është sfondi i lidhjes së fshehtë që nis Alisha me të fejuarin e kushërirës...
Arthur Brenën drejtohet drejt Aokiharës, i njohur si"Qyteti i pemëve", një pyll i madh misterioz në këmbët e malit Fuxhi ku njerëzit shkojnë që të kryejnë vetëvrasje. Gjatë udhëtimit të tij nëpër pyllin e vetëvrasjes, ai takon Takumi Nakamurën, një japonez që ka humbur rrugën pas tentativës për vetëvrasje. Të dy burrat nisin një udhëtim reflektimi dhe mbijetese. Po çfarë do të zbulojë ai gjatë këtij udhëtimi?
Detektivi i famshëm Hercule Poirot që jetonte i vetëm në Venecia, ftohet nga mikesha e tij për të marrë pjesë në një seancë spiritualizmi në një pallat të shtriguar dhe atje përfshihet në dy vrasje të mistershme të cilat padyshim që i ka kryer një nga të ftuarit, dhe që Poirot duhet ta gjejë me patjetër.
Një ish-luftëtar MMA-je dhe vëllezërit e tij duhet të shpëtojnë familjen e tyre të rrëmbyer nga një sindikatë e rrezikshme krimi pasi vidhet një sasi diamantesh.
Një biznesmen zgjohet në mënyrë misterioze në një qeli burgu në qiell të hapur vetëm me një gur mulliri të vjetër. I detyruar të punojë si një kafshë, ai duhet të gjejë një mënyrë për të shpëtuar para se djali i tij të lindë.
Plani i një avokateje kokëfortë për ta braktisur vajzën e saj të sapolindur tek e motra prishet kur nje adoleshent i pambrojtur, por me ide të qarta, vjedh taksinë e saj.
Një nënë beqare e varfër por ambicioze ka një mundësi fitimprurëse në shitjet e barnave, por sa larg do të shkojë ajo për ta kthyer një ilaç të ri në sukses?
Laura, një spanjolle që jeton në Buenos Aires, kthehet në qytetin e saj të lindjes në Madrid me dy fëmijët e saj për martesën e së motrës.
Por, rrëmbimi i vajzës së saj, Irenës, do të nxjerrë në dritë shumë sekrete si dhe hije të dashurive të vjetra....
Babi zbulon tradhtinë e partnerit të saj prej 5 vitesh dhe vendos të nisë një aventurë të re në jetën e saj. Gjatë saj, ajo takohet me gjyqtarin Marko dhe ata fillojnë të jetojnë një histori që përshkohet nga shumë tensione seksuale.
Në të ardhmen e afërt, misioni i parë i Koresë së Jugut drejt Hënës përfundon me një fatkeqësi tragjike. Pas pesë vjetësh, një fluturim i dytë hapësinor e lë astronautin në hapësirë. Duke u përballur me një tjetër katastrofë fatale, Qendra Hapësinore Naro i drejtohet ish-drejtorit të saj për të ndihmuar në kthimin e astronautit në shtëpi.
Ngjarjet zhvillohen në vitin 1985, kur një student i klasës punëtore, Brajan Xhekson, mundohet t'i mbijetojë vitit të parë në Universitetin e Bristolit.
Rahim është në burg për shkak të një borxhi që nuk ishte në gjendje ta shlyente. Gjatë një pushimi dyditor, ai përpiqet të bindë kreditorin që të tërheqë ankesën për pagesën e një pjese të shumës, por gjërat nuk shkojnë siç ishte planifikuar.
Një adoleshente indiano-amerikane që lufton me identitetin e saj kulturor has një
konflikt me ish-shoqen e saj më të mirë dhe,
në proces e sipër, padashur liron një entitet demonik që forcohet duke u ushqyer me vetminë e saj.
