Avokati i Djallit, trajton çështjen "nëse fitorja në profesionin ligjor është vërtet gjithçka". E kryen një avokat mëkatin fillestar të kryelartësisë, nëse beson se puna e tij është vetëm të fitojë, si Kevin? Më tej filmi, në ligjëratën e mprehtë të Xhon Miltonit, vë në dyshim nocionin e së drejtës në botën post-moderniste. Fjalimi i Miltonit përçan gjithë predikimin e fesë, kur ai e kundërshton atë. Dilema e Kevinit reflekton njeriun modern, që fajëson rrethanat që është i tillë, kulturën e dominuar nga të bërit para, që e rrit gjithnjë e më shumë egon e njeriut. Pyetja që lind, është "Jemi ne përgjegjës për atë çfarë jemi me vullnet të lirë?" Filmi trajton dilemat Hamletiane që vërtiten në kokën e një avokati.