"Djali i padukshëm": Mikele është një djalë në klasë të tetë, i cili pas një feste zbulon se ka fuqinë për t'u bërë i padukshëm.
Ndërkohë ai mëson për mistere që rrethojnë jetën e tij dhe për një grup paramilitar, i cili do ta ndjekë atë nga pas për shkak të fuqisë që ai zotëron.
Asnjëherë në historinë e njerëzimit nuk ka pasur një datë me kaq rëndësi dhe kaq të përfolur sa 21/12/2012. Ngjarje apokalptike po shkatërrojnë botën... Qytete që rrënohen dhe kontinente që zhduken brenda çastit nga fatkeqësi natyrore po rrezikojnë ekzistencën e njerëzimit. Kjo është përpjekja epike e një grupi të mbijetuarish që kërkojnë të gjejnë një zgjidhje para se të jetë tepër vonë...
Thori, luftëtari i fuqishëm dhe agresiv dëbohet nga Asgardi dhe dërgohet për të jetuar me njerëzit në Tokë, ku së shpejti bëhet mbrojtësi më i mirë i tokësorëve, por me parë i duhet të ri gjejë fuqitë e tij.
Lufta e lashtë mes njerëzve dhe një racë gjigantësh rindizet kur një fermer nga fshati me emrin Xhek, mundohet të shpëtojë një princeshë dhe pa dashje hap portën e dy botëve me farën e "Fasuleve Magjike"....
Ky film gjurmon origjinën e armiqësisë së lashtë midis vampirëve aristokratë të njohur si Shpërndarësit e Vdekjes dhe skllevërve të tyre të dikurshëm, Likanëve. Në Epokën e Errët, një likan i ri me emrin Lusian (Sheen) shfaqet ndërkohë që një udhëheqës i fuqishëm grumbullon njerëzit-ujqër për t’u ngritur kundër Viktorit (Nighy), mbretit të pamëshirshëm vampir i cili i ka kthyer në skllevër. Lusiani bashkohet me të dashurën e tij sekrete, Sonjën (Mitra), në betejën e tij kundër ushtrisë së Shpërndarësve të Vdekjes dhe përpjekjes për të liruar Likanët.
Historia e “Shpatave Fluturuese të Portës së Dragoit” është i bazuar në filmin e vitit 1992 “Hani i Dragoit”. Është hera e parë që një film i tillë aksion xhirohet në 3D. Historia e filmit nis tre vjet pas djegies së Hanit famkeq të Dragoit në shkretëtirë kur pronarja e tij Xhejd u zhduk. Një bandë e re grabitësish e ka marrë nën pronësi: pronarë gjatë ditës dhe gjuetarë thesaresh gjatë natës. Hani është vendndodhja legjendare e një qyteti të humbur, të groposur nën shkretëtirë dhe thesari i tij i fshehur shfaqet vetëm gjatë një stuhie gjigante çdo 60 vjet. Banda e përdor hanin si një vitrinë për të gjurmuar thesarin...
Gjatë fluturimit të tyre për në Amsterdam, Haroldi dhe Kumari ngatërrohen për terroristë dhe dërgohen në Gjirin e Guantanamos... Por jo për një kohë të gjatë. Ata arratisen dhe nisen për një udhëtim përgjatë vendit për të spastruar emrat e tyre dhe për të fituar zoçkat! Por si fillim duhet të tregohen më të zgjuar se agjentët federalë, t'i shmangen Klanit dhe të sigurojnë ndihmën e njërit që mendon se është Neil Patrick Harris. Është një xhiro e egër me më të kërkuarit e Amerikës dhe më të droguarit!
Në një mbretëri idilike të ditëve të sotme i biri dashamirës i Mbretit Adam dhe Mbretëreshës Belle ua jep një mundësi shpengimi fëmijëve të personazheve të liga të Disney-t për telashet që u kanë sjellur atyre prindërit e tyre: Cruella De Vil (Carlos), Maleficient (Mal), Mbretëresha e Ligë (Evie) dhe Xhafar (Jay).
Kolombusit i është bërë zakon t’ia mbathë nga gjithçka që e frikëson. Talahasi nuk ka frikë nga asgjë. Nëse do të kishte, do t’ua kishte zhdëpur prapanicën. Në një botë të pushtuar nga zombit, këta të dy janë evoluar në dy të mbijetuar perfektë. Por tani, janë gati të përballen me perspektivën më tmerruese nga të gjitha: njëri-tjetrin.
Pasi ka vjedhur një sferë qiellore në hapësirën e largët, Piter Kuil me origjinë nga Toka, bëhet objektivi kryesor i të keqit Ronan, që kërkon të shkatërrojë Galaktikën. Për të luftuar kundër Ronanit dhe për të shpëtuar galaktikën nga pushteti i tij, Piteri krijon ekipin e heronjve të hapësirës të njohur si "Rojtarët e Galaktikës".
Një dekadë pasi mposhti Krakenin e tmerrshëm, Perseu përpiqet të tërhiqet në një jetë të qetë si peshkatar dhe prind i vetëm për djalin e tij të vogël. Megjithatë, një luftë e madhe është shpërthyer midis perëndive, të dobësuar nga mungesa e përkushtimit të njerëzve dhe Titanëve të burgosur prej kohësh, të cilët udhëhiqen nga mizori Kronos. I tradhtuar nga Hadesi, Zeusi kapet rob dhe sillet në botën e nëndheshme dhe Perseu duhet të bëhet përsëri heroi në mënyrë që të gjejë Zeusin dhe t’i japë fund luftës së Titanëve për të sunduar botën.
Heroi i vdekshëm, Bek bashkohet me Zotin Horus në një aleancë kundra Setit, Zotit të pamëshirshëm të errësirës, që ka pushtuar padrejtësisht fronin e Egjiptit, duke zhytur perandorinë e vetme paqësore dhe të begatë, në kaos e konflikt.
Zootopia qyteti i ëndrrave për çdo kafshë. Aty ku e pamundura është e mundur. Xhudi një lepurushe kërkon të plotësoje ëndrrën e saj të behet police, por gjatë rrugëtimit te saj has shume dilema dhe probleme që...
1872. Fileas Fog, një shpikës pa vlerë për ministrin e Akademisë së Shkencave të Anglisë, vë bast se do bëjë xhiron e botës për 80 ditë. Pasportu, një kinez që ka vjedhur nga banka e Anglisë Budën Jeshil sepse i përket fshatit të tij, në çastin që po e përzinte policia u njohë me Fielas Fog dhe shikon se mënyra e vetme për t’u kthyer në Kinë është shpikësi i çuditshëm. Në udhëtimin e tyre do njohin dhe një femër dhe të tre bashkë do u bëjnë ballë pengesave që u shkakton ministri i Akademisë së Shkencave për mos të humbur bastin, i cili duhet ta paguajë humbjen me vendin e tij si ministër.
Aron Kros është anëtar i një misioni të koduar “Rezultati”, që është një nga planet e errëta të Ministrisë së Mbrojtjes. Në këtë mision u japin disa pilula jeshile që rrisin forcën fizike dhe disa pilula blu që rrisin atë mendore. Krosi dërgohet në Alaskë për një mision stërvitor dhe atje njihet me një tjetër anëtar të organizatës, Numrin Tre. Në këtë kohë zbulimet e Xhejson Bornit kanë hapur një hetim të gjerë për FBI-në. Rezultati është që të shkrihet e gjithë organizata dhe të eliminohen të gjithë agjentët që punonin për të.
Një koala i vogël dhe aventurier nis një udhëtim përmes periferisë se egër e të rreziksme të Australisë me shpresën për të gjetur babain e tij të humbur, por shumë shpejt ai zbulon se për të qenë hero, duhet më shumë guxim se ç'duket.
Blejd, tani një person në kërkim nga FBI, duhet të bashkojë forcat me Gjurmuesit e natës për t'u përballur me armikun më të rrezikshëm deri tani: Drakulën.
Pas një beteje apokaliptike midis njerëzve dhe robotëve, bota është shkatërruar dhe në të nuk ka asnjë jetë njerëzore. Një loder me emrin 9 zgjohet në botën e shkatërruar dhe tashmë është në dorën e tij dhe tetë lodrave të tjera të udhëhequra nga frikacaku me emrin 1 për të shkatërruar robotët njëherë e përgjithmonë.
Një ish-operativ i Forcave Speciale, i kthyer në mercenar, i nënshtrohet një eksperimenti mashtrues që e lë atë me fuqi shëruese intensive, duke adoptuar një personalitet të dytë, si Dedpull.
Që prej ardhjes së tij në fron, mbretëria e Mathajusit ka rënë. Tani një vrasës me pagesë, ai duhet ta mbrojë mbretërinë nga një tiran i keq dhe luftëtarët e tij hije për të rimarr lavdinë e dikurshme.
Në vitin 33 para Krishtit, një grupi romak në Judea i kërkohet të gjejë trupin e një çifuti të ekzekutuar i cili thuhet se është ngritur nga të vdekurit.
