Historia përqendrohet në pasojat e një sulmi me bombë në Indonezi, ku një marins i kokëkrisur amerikan që shtiret si student është i vendosur të hakmerret por shumë shpejt zbulon se problemet e botës nuk mund të zgjidhen vetëm me dhunë. Marinsi Xhejk Travers bashkohet me policin mysliman Hashim për të gjurmuar hajdutin e rrezikshëm ndërkombëtar të bizhuterive të quajtur Malik i cili ka rrëmbyer të bijën e Sulltanit, Sulltaneshën në një përpjekje për të vjedhur thesarin mbretëror. Një intrigë ekzotike mes pallatesh të lashta, xhamish, tempujsh, labirintesh nëntokësore dhe piramidash prej guri në zemër të Javës.
Vrasësi më i mirë në botë, Danken Vizla, tek shkon drejt daljes në pension cilësohet si dëm për kompaninë ku ai punonte nga punëdhënësi i tij i vjetër. Kundër dëshirës së tij, ai e gjen veten përsëri në lojë duke luftuar kokë më kokë me një grup vrasësish të rinj.
Duke pasur frikë nga fundi i botës, një veteran lufte me çrregullime të stresit post-traumatik, fillon të ndërtojë një strehë nëntokësore. Por njohja me Xhesikën e bukur do t'ia trazojë edhe me keq mendjen...
Dy agjentë turkë të anti-terrorizmit dërgohen në Nju Jork me një mision për të gjetur e për të kthyer mbrapa udhëheqësin e rrezikshëm islamik me emrin e koduar “Daxhal”, i cili besohet se fshihet aty. Duke punuar me FBI-në dhe policinë e Nju Jorkut, agjentët orkestrojnë arrestimin e Haxhi Gumush, një dijetari mysliman tepër të rrespektuar i cili ishte arratisur në SHBA pasi ishte liruar nga një burg turk, ku kishte kryer një dënim për vrasje. Ky tregim dashurie, miqësie, paqeje dhe paragjykimesh, na çon në një udhëtim që kërkon t’i japë përgjigje pyetjes nëse pafajësia ose faji kanë rëndësi për dikë që është i etur për hakmarrje.
Një truprojë dhe ekspert kundër-terrorizmi pranon një punë që të mbrojë një trashëgimtare të re të pasur. Asnjëra palë nuk është e lumtur për marrëveshjen derisa një rrëmbim i dhunshëm i detyron ato të shkojnë në arrati.
Deadpooli takohet me Rasëllin, një mutant i zemëruar që jeton në jetimore. Kur Rasëlli bëhet objektivi i Kabllit (një ushtar që vjen nga e ardhmja), Deadpooli e kupton se do të ketë nevojë për ndihmë që të shpëtojë djalin. Komedi, aksion dhe satirë mbi kinematografinë.
Një veteran i trazuar i luftës së Irakut i cili po vuan të integrohet përsëri në shoqëri niset për një udhëtim përmes vendit me shpresën e ritakimit me djalin e tij të vogël.
Hakerja e kompjuterëve, Lisbet Salander dhe gazetari Mikael Blomkvist, e gjejnë veten të kapur në një rrjet të spiunëve, kriminelëve kibernetikë dhe zyrtarëve të korruptuar të qeverisë.
Çelios përballet me një kriminel kinez i cili i ka vjedhur zemrën e durueshme dhe e ka zëvendësuar me një rrahëse baterie e cila kërkon elektricitet për të punuar...
Pas betejës shkatërruese të Ditës së Gjykimit, bota po përpiqet të jetoj pa Supermenin. Kur njerëz të ndryshëm shfaqen duke e quajtur veten Supermen, Lois Lejn dhe të tjerë mblidhen për të zgjidhur misterin.
Mirë se erdhët në Cirkun e Përbindëshave, një shfaqje rruge të mbushur me krijesa magjike, përbindësha të keqkuptuar dhe vampirin misterioz, Larten Krepsli. I tërhequr nga errësira, bota e paparashikueshme e Cirkut, 16 vjeçari Darren vendos të këmbejë jetën e tij të zakonshme për mundësinë e t’u kthyerit në një vampir të pavdekshëm. Ndërkohë që Darreni eksploron fuqitë e tija të sapogjetura dhe përballet me armiq të papritur, do të zbulojë se ekzistenca e tij si pjesëtar i të pavdekshmëve është e mbushur me më shumë sfida, suspans dhe gallatë nga sa kishte menduar. I bazuar në librin best-seller dhe aktorë si Salma Hayek, Josh Hutcherson, Ken Watanabe dhe Willem Dafoe, ky është një udhëtim emocionues që kritikët e quajnë, “Imagjinar!”
Bazuar në librin e Frenk Miler, filmi frymëzohet nga beteja e lavdishme e Termopilëve ku 300 spartanë dhe 700 aleatë u përballën me mbretin pers Kserksi, duke dhënë një betejë legjendare kundër një ushtrie që ishte me dhjetra mijëra. Filmi qëndron besnik në legjendën e luftëtarëve spartanë që zgjodhën vdekjen sesa përuljen.
Një kapiten i ri i Flotës Detare Amerikane duhet të bashkojë forcat me një skuadër ushtarake, për të shpëtuar Presidentin Rus nga një grusht shteti i organizuar nga një gjeneral që kërkon pushtet.
Parker, një hajdut me një kod të caktuar profesional, tradhtohet nga ortakët e tij dhe lihet pas me mendimin se u eliminua. Nën një maskim të ri dhe me aleancën e një gruaje, ai fillon misionin për të marrë shpagimin që i takon...
Jue Feng është një rrugaç i ri me aftësi shumë të mira luftuese. Ai s'do ndalet para asgjëje për të mundur të gjithë sfiduesit e tij, deri sa në një aksident tragjik, vret një nga kundërshtarët e tij dhe përfundon në burg. Tetë vjet më vonë, Jue Feng kthehet si njeri i ndryshuar. Nuk ndeshet më dhe kërkon një jetë në paqe. Por rruga është e egër dhe shpagimi nuk vjen kollaj. Vëllazëria e tij është shkatërruar, anëtarët e familjes i janë vrarë, dhe një person i dashur vihet në lojë, një sërë reaksionesh zinxhir që nuk i lënë zgjidhje tjetër veçse të çlirojë forcën e tij në emër të drejtësisë.
Ky thriller-aksion eksploziv rrëfen për një burrë të dëmtuar nga betejat në Luftën e Terrorit, i cili është i detyruar të shkojë në Londër për të ndjekur një operacion të CIA-s. Kjo gjë e çon në një betejë vdekjeprurëse me një ish-mik ushtrie dhe ushtrinë e tij private.
Roja perandorake dhe tre miqtë e tij tradhtarë të fëmijërisë, të urdhëruar për ta ndjekur, varrosen aksidentalisht dhe mbahen të ngrirë në kohë. Pas 400 vjetëve shkrihen për të vazhduar betejën që lanë pas. A mund ta ndryshojë njeriu fatin e tij, kur ka në dorë një rruzull kohor magjik?
Kjo është historia e një polici të ndershëm i cili është i rrethuar nga rrethana të pafavorshme. Është një film emocionues i drejtuar nga krimi dhe politika. Filmi sillet rreth sfondit të një shteti politikisht të pa qëndrueshëm, i cili tregon rrjetin e mafias së një politikani, një vend krimesh serioze, politikanësh dinakë, kriminelë të mjerueshëm.
Agjentja strikte e FBI-së Sara Ashbërn dhe policja vulgare e Bostonit Shanon Mullins nuk do të mund të ishin më të papërshtatshme. Por kur bashkojnë fuqitë për të rrënuar një bos droge, bëhen gjëja e fundit që priste dikush... mikesha.
