Një agjente e luftës ndaj drogës bashkëpunon me vajzën e saj për të shpëtuar mbesën e saj të rrëmbyer nga kryetari i një organizate kriminale të fuqishme.
Është ëndrra e jetës së tyre, nëse ata ia dalin mbanë, jeta e tyre do jetë përrallore. Pesë hajdutë në kulmin e karrierës së tyre dhe kolegët e tyre po planifikojnë mashtrimin më të madh. Popi ka muskujt dhe mendjen, Pepsi është çelësi i tyre për kasafortat, Jenikalli ngjitet nëpër mure, Zampano është njeriu i strategjive dhe Çeuingumi është mbreti i maskimit. Kush mund t'i rezistojë "Lotit të djallit", një diamant 318 karatësh dhe me vlerë 20.000.000$? Por brenda grupi ka edhe një tradhtar që mundohet të mashtrojë shokët.
Eriku dhe Shelli, dy shpirtra binjakë, vriten brutalisht nga demonët e së kaluarës së errët të Shellit. Duke pasur mundësinë për të shpëtuar të dashurën e tij duke sakrifikuar veten, Eriku kthehet për të kërkuar hakmarrje kundër vrasësve, duke përshkuar botën e të gjallëve dhe atë të të vdekurve...
Policët e një qyteze të vogël mendojnë se një ish marins është shënjestër e lehtë kur i sekuestrojnë kursimet e tij. Ata nuk e kanë idenë se çfarë është në gjendje të bëjë ai për të arritur drejtësinë që meriton.
Një grup të burgosurish aziatikë rekrutohen, stërviten, armatosen dhe dërgohen në Vietnam për të shkatërruar
një arkë të armëve amerikane të mbetura pas Luftës së Vietnamit, përpara se vietkongët të zbulojnë vendndodhjen e saj.
Njerëzit udhëtojnë nëpër portat yjore. Një anije kozmike bllokohet në Humnerën e Yjeve.
Vetëm 4 nga 15 pasagjerë mund të përdorin kabinat e letargjisë.
Në panik, dikush lëshon një përbindësh alien për të vrarë të tjerët për mbijetesë.
Duke u rikthyer në planetin e saj të lindjes, një gjuetare famëkeqe shpërblimesh formon një aleancë të papritur me një ekip të çuditshëm. Së bashku, ata luftojnë banditët e rrezikshëm, për të zbuluar një nga sekretet më misterioze të planetit të Pandorës.
Për të kaluar fshehurazi 4 milionë dollarë nga një postbllok policie, një bandë kriminele i fsheh paratë në valixhet e familjes Siduell që nuk dyshon asgjë ndërsa është rrugës për të shkuar me pushime. Tani, duke qenë se kaluan nga pika e kontrollit, banda i do paratë mbrapa dhe nuk do të ndalojë përpara asgjëje për t’i marrë. Të ndjekur dhe të terrorizuar, Siduellët bëhen gati të luftojnë me katër vrasës të pamëshirshëm.
Kur vëlla e motër shkojnë të takojnë babanë e tyre të dënuar në një burg të Tajlandës, nuk e dinin fatin e keq që i priste. Të dy burgosen me një akuzë të rreme dhe detyrohen të ndeshen me të burgosur të tjerë në këmbim të jetës së tyre.
Kur studenti Xheik Lo bëhet dëshmitar i një vrasjeje, e gjen veten ndërmjet dy bosash droge. Atë e tradhtojnë dhe i ngrenë kurth agjentët e policisë që e mbronin dhe i vetmi person që mund të ketë besim është Rajani, një polic në Çikago. Për të pastruar emrin e tij Xheik bie dakord të ndihmojë Rajanin për të mposhtur bosat e drogës.
Një grup grabitësish të pathyeshëm të drejtuar nga Chang Bojun, në mënyrë të fshehtë kryejnë një vjedhje prej 1 miliard juanë natën e Vitit të Ri. Papritur, ata u ndeshën me një bandë grabitëse, dhe ish e dashura e Chang u përfshi aksidentalisht në këtë çështje.
Një agjent i CIA-s që është edhe lojtar i Kickboxing, dërgohet në një turne të arteve marciale, ku dyshohet se bëhet tregti armësh kimike. Detyra e tij është veçse të dorëzojë një pajisje, por gjërat marrin një kthesë tjetër dhe ai e gjen veten të përfshirë në një mision të rrezikshëm.
Në vitin 2006, një grup hajdutësh kryen atë që konsiderohet
si një nga vjedhjet më të famshme dhe më të zgjuara të bankave në historinë e Argjentinës.
Se si ata plaçkitën bankën Rio, është po aq befasuese sa ajo që ndodhi më pas. Kjo është historia e tyre.
Në vitin 1985, vrasja e një superheroi të sponsorizuar nga qeveria, i tërheq kolegët e tij të jashtëligjshëm të dalë në pension, në një mister që kërcënon të përmbysë jetët e tyre personale dhe vetë botën.
Kur disa fshatarë në një varkë peshkimi vrasin një peshkaqen të madh të bardhë, shpirti i tij kthehet për t'u hakmarrë dhe shumë shpejt, fillon të sulmojë qytetin e vogël të Smallportit.
Vazhdojnë telashet me të riun Chan Lok-kwun ndërsa aksidentalisht ai hyn në qytetin e rrethuar me mure, zbulon rendin në mes të kaosit të tij dhe gjatë rrugës mëson mësime të rëndësishme të jetës.
Majk, një punëtor i thjeshtë ndërtimi, futet në botën e rrezikshme të super spiunëve dhe agjentëve sekretë, kur e dashura e shkollës së mesme, e rekruton për një mision të inteligjencës amerikane.
Në të ardhmen e afërt, një 'Lotari e Madhe' është krijuar në Kaliforni.
Si luhet? Vritni fituesin para perëndimit të diellit për të
kërkuar ligjërisht xhekpotin e tyre miliarda dollarësh.
Historia e filmit shpaloset në vitet 1990 në Ukrainë. Protagonisti - një bandit me nofkën Rinoceront - vihet nën kontrollin e botës kriminale ukrainase në vitet 1990 dhe nis rrugën e tij të përgjakshme, e cila nuk e çon aty ku priste.
Dy vëllezër (një polic, tjetri ekspert i arteve marciale) me pikëpamje të ndryshme politike, bashkojnë forcat për t'u hakmarrë për vdekjen e babait të tyre, një agjent në pension, i vrarë nga mafia.
